Жыхар Клецка з перапою замінаваў «Славянскі базар»
4- 12.07.2014, 18:27
- 7,434
Увечары 11 ліпеня паступіла ананімнае паведамленне пра тое, што ў Віцебску чакаецца тэракт падчас правядзення фестывалю «Славянскі базар».
Пра гэта паведамілі ў УУС Менаблвыканкама.
«Устаноўлена, што паведамленне зрабіў непрацуючы жыхар 1964 нараджэння вёскі Іскра, які быў у стане алкагольнага ап'янення і знаходзіцца на ўліку ў лекара-нарколага. Ён быў шпіталізаваны ў цэнтральную раённую лякарню з сіндромам адмены алкаголю», - распавялі ў УУС.
Паведамленне аб мінаванні апынулася ілжывым.
Высветлілася, што перад званком некалькі дзён мужчына быў у нецвярозым. Затым у яго скончыліся грошы, і ён не мог дастаць для сябе алкаголь. Верагодна, такі стан і выклікаў абсалютна неадэкватны ўчынак. Пры гэтым праваахоўнікам мужчына сказаў, што ў яго быў прарочы сон з нагоды гэтага «тэракту».
Затрыманы ўжо не першы раз трапляе ў поле зроку міліцыі, вядзе асацыяльны лад жыцця. Будзе праведзеная псіхіятрычная экспэртыза, і калі мужчыну прызнаюць адэкватным, супраць яго будзе распачатая крымінальная справа.