На будоўлі ў Калодзішчах абрынулася сцяна дома

Падчас будаўнічых работ пры ўзвядзенні двухпавярховага жылога дома ў пасёлку Калодзішчы пад Менскам адбылося абвальванне сцяны.

Пра гэта паведамляе прэс-служба МНС Беларусі.

Будаўніцтва дома вяла брыгада ў складзе сямі рабочых. У выніку абвальвання пад завалы трапілі тры чалавекі. Пацярпелых удалося дастаць з-пад завалаў. Усе яны жывыя, аднак траўмаваныя і цяпер знаходзяцца ў лякарні.