29 сакавiка 2024, Пятніца, 3:23
Падтрымайце
сайт
Сім сім,
Хартыя 97!
Рубрыкі

У палітвязня Пракапенкі праблемы са здароўем

8
У палітвязня Пракапенкі праблемы са здароўем

Арцём Пракапенка сустрэўся ў калоніі з бацькамі.

Пра гэта сайту charter97.org паведаміў ягоны бацька Анатоль Пракапенка.

«Учора мы вярнуліся з кароткатэрміновага спаткання з сынам. Выявілася, што яго зноў зрабілі «злосным парушальнікам», і таму яму належыць толькі адзін дзень спаткання. У верасні ў яго павінен быў скончыцца тэрмін спагнання, але начальства Магілёўскай калоніі № 15 мэтанакіравана робіць яго «злоснікам». Мы прывезлі яму 35-кілаграмовую перадачу, але калі б у яго не было гэтага статусу, то можна было б перадаць яшчэ 30 кілаграм ежы. Наступнае спатканне належыць толькі праз паўгода», - адзначыў ён.

Бацька палітвязняў падкрэсліў, што акрамя гэтага ў сына пачаліся праблемы са здароўем.

«Арцём схуднеў, у яго праблемы з зубамі і ён пашкодзіў руку, але не кажа, якім чынам. Сын таксама распавядаў, што буфет у калоніі першай коштавай катэгорыі, гэта значыць кошты там, як у рэстарацыя. А куплі яму як «злосніку» дазволена толькі на 300 тысяч, а не на 700 тысяч, як усім астатнім», - дадаў Анатоль Пракапенка.

Нагадаем, Арцём Пракапенка быў асуджаны разам з Яўгенам Васьковічам і Паўлам Сырамолатавым на сем гадоў зняволення паводле абвінавачання ў спробе падпалу дзвярэй Бабруйскага аддзялення КДБ. У верасні 2012 года Сырамалотаў выйшаў на волю, напісаўшы прашэнне аб памілаванні на імя Лукашэнкі. Пракапенка і Васьковіч адмаўляюцца гэта рабіць.

Напісаць каментар 8

Таксама сачыце за акаўнтамі Charter97.org у сацыяльных сетках