Пад Оршай згарэў трактар
7- 16.07.2014, 19:17
- 7,405
У Дубровенскім раёне трактар без кіравання з'ехаў у яр і загарэўся.
Пра гэта паведамілі ў Віцебскім абласным упраўленні МНС.
Паведамленне пра ўзгаранне сельскагаспадарчай тэхнікі паступіла выратавальнікам апоўдні 15 ліпеня ад дыспетчара сельскагаспадарчага прадпрыемства «Прыдняпроўскі» - каля вёскі Ляды гарэў МТЗ-82 2008 года выпуску.
З тлумачэнняў трактарыста вынікала, што ён заглушыў трактар і паставіў скрынку на заднюю перадачу, а калі праз пэўны час вярнуўся, то трактары на месцы не знайшоў, затое ўбачыў дым, які ўздымаецца з рова. Падбегшы бліжэй, мужчына выявіў, што гарыць яго зніклы трактар. МТЗ-82 праехаў без кіравання блізу 300 м, а калі апынуўся на дне яра - загарэўся.
Прычына ўзгарання і сума шкоды высвятляюцца.