Барак Абама: Нават у разгар крызісу Украіна паказвае прагрэс
2- 17.07.2014, 15:12
- 7,274
Прэзідэнт ЗША перакананы, што Украіна дасягнула значнага прагрэсу за апошнія некалькі месяцаў, у прыватнасці ў правядзенні рэформаў.
Амерыканскі лідэр падкрэсліў, што Вашынгтон і надалей прапануе сваю падтрымку Украіне, каб дапамагчы стабілізаваць яе эканоміку і абараніць тэрытарыяльную цэласнасць. Пра гэта на сваёй старонцы ў сацыяльнай сетцы «Фэйсбук» паведаміла пасольства ЗША ва Украіне, піша «Укрінформ».
«Мы далей падтрымліваем украінскі народ у іх барацьбе за вызначэнне ўласнай будучыні. Нават у разгар гэтага крызісу яны дамагліся значнага прагрэсу за апошнія некалькі месяцаў. Яны правялі дэмакратычныя выбары, абралі новага прэзідэнта, праводзяць важныя рэформы і падпісалі Пагадненне аб асацыяцыі з Еўрапейскім Звязам», - сказаў Абама.
Паводле ягоных слоў, Злучаныя Штаты будуць далей «актыўна прапаноўваць сваю падтрымку Украіне, каб дапамагчы стабілізаваць яе эканоміку і абараніць яе тэрытарыяльную цэласнасць, бо - як і кожны народ - украінцы заслугоўваюць права самастойна каваць свой лёс».
Нагадаем, ЗША ў сераду ўвялі новыя санкцыі, якія паўплываюць на шэраг ключавых прадпрыемстваў расейскай эканомікі, праз тое, што Масква недастаткова зрабіла для пераадолення крызісу на ўсходзе Украіны.