Ва Украіне ўдзячныя расейскаму экспэрту за крытыку Мінабароны РФ (Відэа)
38- 22.07.2014, 14:57
- 62,181
Расейскі экспэрт у сфэры вайсковай авіяцыі Вадзім Лукашэвіч раскрытыкаваў вэрсію падзення малайзійскага «Боінга-777», якой намагае Міністэрства абароны РФ.
Камэнтар спецыяліста быў зроблены ў жывым эфіры расейскага тэлеканала РБК. Некаторыя аргумэнты расейскага вайсковага міністэрства Лукашэвіч назваў неабгрунтаванымі, а аб сваёй вэрсіі наважыў не казаць журналісту, заявіўшы, што яна можа не спадабацца расейскім тэлегледачам.
На гэты выступ Вадзіма Лукашэвіча ўжо адрэагавалі ўкраінскія чыноўнікі:
«Расейскаму экспэрту Вадзіму Лукашэвічу ад імя ўкраінскага народа і сябе асабіста выношу падзяку за смеласць і сумленнасць, выяўленую ў жывым эфіры тэлеканала РБК. Калі ў Вас будуць пасля гэтага выступу праблемы ў РФ - прыязджайце да нас ва Украіну! Дапаможам, накормім, напоім, абагрэем!», - піша на сваёй старонцы ў сацыяльнай сетцы радца міністра МУС Антон Герашчанка.