Муждабаеў: Калі кілер памылкова забівае не таго чалавека, ён пакідае быць кілерам?
12- 23.07.2014, 11:39
- 14,635
Тое, што «Боінг» быў збіты прарасейскімі сэпаратыстамі памылкова, нічога не значыць.
Пра гэта расейскі журналіст Айдэр Муждабаеў напісаў у блогу на «Эхо Москвы».
«Як толькі прыйшла гэтая навіна аб выніках папярэдняга расследавання амэрыканскай выведкі: «ЗША мяркуюць, што «Боінг», напэўна, быў збіты памылкова ваеўнікамі. Першасных довадаў дачынення да гэтага расейскіх вайскоўцаў няма», - у нашай крыштальнай грамадскай атмасфэры пачуўся палегчаны, з людажэрскай адрыжкай, уздых: «Мы не маем дачынення! Бачыце - не-пры-чын-ныя!».
Але хіба, калі кілер памылкова забівае не таго чалавека, - ён пакідае быць кілерам?
Хіба той, хто дае яму ў рукі высокадакладную зброя і кажа: «Забівай», - не суўдзельнік злачынства?
Не, грамадзяне амаралы.
Гэта не мяняе наогул нічога. Гэта і з самага пачатку было зразумела, калі яны радаваліся, яшчэ не ведаючы, што памыліліся.
Прычынныя ўсе мы.
А вы, якія страцілі чалавечае аблічча ў спробах апраўдаць забойцаў сотняў невінаватых людзей, - прычынныя ўтрая.
І ў дачыненні да вас гэта таксама нічога не змяняе.
Як вы голіцеся, як чысціце зубы? Вы ж не павінны адбівацца ў люстры», - напісаў ён.