Памежнік: 14 «Градаў» увайшлі на тэрыторыю Украіны і адкрылі агонь (Відэа)
38- 23.07.2014, 16:45
- 63,788
Пасля абстрэлу ўстаноўкі вярнуліся на тэрыторыю Расеі.
Пра гэта сведчаць фота-і відэадовады, а таксама сведчанні супрацоўнікаў Памежнай службы Украіны, піша Цензор.нет.
«Грады» перасеклі мяжу і адкрылі агонь. Сляды паказваюць на тое, што сістэмы залпавага агню ўвайшлі на тэрыторыю Украіны, зрабілі залпы і вярнуліся назад, на тэрыторыю Расейскай Федэрацыі. Памежнікамі зроблена фота-і відэадакументаванне, матэрыялы будуць перададзеныя ў МЗС, а таксама расейскаму боку», - кажа супрацоўнік Дзяржаўнай памежнай службы Украіны.
Парушэнне мяжы і абстрэл праводзіўся 22 ліпеня ў раёне сяла Шаўчэнкаве Данецкай вобласці.