Імпарт легкавікоў абрынуўся ўдвая

Беларусь у студзені-траўні 2014 года скараціла імпарт легкавых аўтамабіляў да 28 тысяч штук.

У параўнанні са студзенем-траўнем 2013 ён скараціўся на 31,5%.

У грашовым эквіваленце імпарт аўтамабіляў склаў $327,026 млн, знізіўшыся на 25,7%, піша АФН.

У тым ліку 21,7 тысяч было ўвезена з краін далёкага замежжа (на 36,9% менш, чым у студзені-траўні 2013 года), 6,3 тысячы з краін СНД (на 2,3% менш).

У сваю чаргу экспарт аўтамабіляў з Беларусі знізіўся ў 4,6 разы да 4,2 тысяч штук. У грашовым эквіваленце экспарт склаў $ 54,4 млн, знізіўшыся ў 4,6 разы. У тым ліку 3,9 тысяч аўтамабіляў было экспартавана ў Расею і 222 - у Казахстан.