Турчынаў прапанаваў абраць «тэхнічнага» прэм'ера
3- 24.07.2014, 19:55
- 12,635
Турчынаў афіцыйна звярнуўся да фракцый-ініцыятараў роспуску кіроўнай кааліцыі.
Старшыня Вярхоўнай Рады прапанаваў неадкладна пачаць кансультацыі кандыдатуры на пасаду «тэхнічнага» прэм'ер-міністра.
Пра гэта паведамілі ў прэс-службе парламента.
«Гэта ваша адказнасць», - падкрэсліў Аляксандр Турчынаў, і папрасіў прапанаваць такую кандыдатуру хутчэй.
Пры гэтым кіраўнік парламента заявіў, што ў любы момант збярэ пазачарговую сесію для таго, каб разгледзець і падтрымаць прапанаваную кандыдатуру.
«Перакананы, што ўвесь парламент адчувае адказнасць і аднагалосна прагаласуе за такую кандыдатуру», - сказаў Турчынаў, заклікаўшы «не губляць часу і прыступіць да кансультацый».
Нагадаем, сёння ў Вярхоўнай Радзе спыніла сваё існаванне кааліцыя «Еўрапейскі выбар».
У сваю чаргу прэзідэнт Украіны Пётр Парашэнка ўжо выказаў надзею на тое, што парламент надалей будзе прымаць важныя для краіны пастановы нават без кааліцыі. Аднак Вярхоўная Рада не падтрымала некаторыя законапраекты, у прыватнасці, аб рэфармаванні НАК Нафтагаз Украіны.
Фота: AFP