Пётр Парашэнка: Украінскае войска выкарыстоўвае новую тактыку

Новая тактыка ваенных дзеянняў удзельнікаў антытэрарыстычнай аперацыі дазваляе пазбягаць значных ахвяр.

Пра гэта заявіў прэзідэнт Украіны Пётр Парашэнка падчас візіту на палігон Нацгвардыі ў сяле Новыя Пятроўцы, паведамляе «Укрінформ». Ён падкрэсліў, што мабілізаваныя па трэцяй хвалі грамадзяне краіны атрымаюць новую форму і надзейную абарону.

«Сёння мы прадэманстравалі, што Украіне ёсць чым абараняць сваю дзяржаву. Першай брыгадзе спецыяльнага прызначэння Нацгвардыі перададзеныя танкі, самыя сучасныя БТР-3 і БТР-4, самыя новыя бронемашыны Кугуар украінскай вытворчасці», - сказаў Парашэнка ў Новых Пятроўцах (Кіеўская вобласць) на базе вучэбнага цэнтра Нацгвардыі.

Прэзідэнт адзначыў, што гэтая тэхніка здольная выконваць заданні, у тым ліку ў сувязі са зменай тактыкі вядзення баявых дзеянняў.

«У нас кардынальна змянілася тактыка нашых ваенных дзеянняў, і гэта можна пабачыць ужо цяпер. Пры вызваленні ўзброенага да зубоў Дзяржынска нам, дзякуючы дыверсійным падраздзяленням, ўдалося пазбегнуць велізарных ахвяр - як сярод мірнага насельніцтва, у першую чаргу, так і сярод вайскоўцаў», - сказаў ён.

Парашэнка падкрэсліў, што падчас вызвалення Дзяржынска вызначыліся спецназ Нацгвардыі, палкі спецпрызначэння ВСУ і дэсантнікі.