У карыстальнікаў «Вконтакте» зніклі лайкі і фота
79- 27.07.2014, 17:55
- 105,369
27 ліпеня ў сацыяльнай сетцы «Вконтакте» зніклі ўсе фатаграфіі і запісы ў шматлікіх карыстачоў.
Таксама зніклі лайкі і магчымасць іх ставіць, загружаць фатаграфіі і відэа.
Пры гэтым сайт vk.com не працуе, ёсць магчымасць знаходзіцца ў сацыяльнай сетцы толькі праз прыкладанні. Прэс-сакратар «Вконтакте» Георгій Лабушкін у інтэрв'ю радыёстанцыі «Гаворыць Масква» пацвердзіў інфармацыю аб непаладках у працы сацыяльнай сеткі.
«Ёсць некаторыя праблемы. Мы цяпер з імі разбіраемся. Вядома, гэта ўсё адновіцца ў самы бліжэйшы час. Цяпер мы пакуль занятыя высвятленнем», - адзначыў Лабушкін.
Прычыны збою на гэты момант высвятляюцца.