Daimler спыніў зборку Mercedes у Расеі

Нямецкі аўтаканцэрн Daimler не прыняў канчатковай пастановы аб адкрыцці вытворчасці аўтамабіляў Mercedes у Расеі.

Ён будзе працягваць перамовы з двума патэнцыйнымі пляцоўкамі - КАМАЗам і «МосАвтоЗиЛом», распавялі РБК дзве крыніцы, блізкія да нямецкага аўтаканцэрна і да кіраўніцтва адной з расійскіх кампаній.

Рада дырэктараў Daimler прайшла ў сярэдзіне ліпеня, яна разглядала хаду перамоў у Расеі, але пастанавіла больш дэталёва прапрацаваць праект, распавёў адзін з суразмоўцаў. Гэта пацвярджае і крыніца, блізкая да аднаго з патэнцыйных партнёраў Daimler у Расеі. У шорт-ліст увайшлі дзве кампаніі, першапачаткова іх было больш, кажа ён, не выдаючы падрабязнасцяў.

Прэс-служба Daimler адмовілася ад камэнтароў, спаслаўшыся на тое, што кампанія не выдае парадкаў рад дырэктараў. Канцэрн вядзе перамовы і разглядае розныя магчымасці арганізацыі вытворчасці ў Расеі, пастанова павінна быць прынятая ў найбліжэйшай будучыні, сказаў прадстаўнік кампаніі ў Расеі Андрэй Радзівонаў.

Прадстаўнік КАМАЗа і гендырэктар «МосАвтоЗиЛа» Андрэй Кульган не былі даступныя для камэнтароў на момант здачы артыкула.

Пра тое, што Daimler вядзе перамовы аб вытворчасці легкавых аўтамабіляў на КАМАЗ і «МосАвтоЗиЛе», у чэрвені распавядалі людзі, блізкія да абодвух заводаў. «МосАвтоЗиЛ» вядзе перамовы з трыма патэнцыйнымі партнёрамі - аўтавытворцамі аб зборцы іх мадэляў, казаў на пачатку ліпеня Аляксандр Марозаў, дырэктар дэпартамента транспартнага і спецыяльнага машынабудавання Міністэрства прамысловасці і гандлю, які не назваў іх.

У Расеі Daimler мерыцца, у прыватнасці, вырабляць Mercedes-Benz люксавага S-класа, распавядалі крыніцы. Але аўтавытворца асцерагаецца абмежаванняў, якія ўрад наклаў на закуп імпартных самаходаў для дзяржаўных патрэб, казаў адзін з іх. Гэтую забарону прэм'ер-міністр Дзмітрый Мядзведзеў падпісаў у сярэдзіне ліпеня. Продажы дзяржаўным органам займаюць 3-5% у агульным аб'ёме продажу Mercedes у краіне, камэнтаваў тады Радзівонаў.

Таксама Daimler на мінулым тыдні адзначаў у сваёй справаздачы за другі квартал 2014 года, што чакае падзення расейскага рынку праз макраэканамічныя праблемы і расейска-ўкраінскі канфлікт.