60 палівальнымі аўтамабілямі астуджваюць дарогі Менска

Палівальныя аўтамабілі выліваюць на праезную частку вуліц амаль 800 тысяч літраў вады ў дзень.

Пра гэта паведаміў карэспандэнту БелТА намеснік генеральнага дырэктара ДВА "Гаррамаўтадар Менгарвыканкама" пра стан дарог Анатоль Жамоздзік.

Палівальныя аўтамабілі выліваюць на праезную частку вуліц амаль 800 тысяч літраў вады ў дзень. Як растлумачыў Анатоль Жамоздзік, гэта робіцца для таго, каб перашкаджаць дэфармацыі нагрэтага асфальту, а таксама асвяжыць яго. Паліў дарог праводзіцца пры тэмпературы паветра вышэй за 25 градусаў цяпла і ў гадзіны, калі ультрафіялетавае выпраменьванне сонца найбольш інтэнсіўна (прыкладна з 12.00 да 16.00).

У адну цыстэрну палівальнымі аўтамабілямі змяшчаецца амаль 6-9 тысяч літраў вады. Выдаткаваўшы іх, кіроўцы накіроўваюцца на запраўку да бліжэйшай вадапомпавай станцыі, якія размешчаныя ля сталічных вадасховішчаў.