Барыс Нямцоў адсудзіў у Расеі 26 тысяч еўра

Еўрапейскі суд правоў чалавека абавязаў Расею выплаціць 26 тысяч еўра ў якасці кампенсацыі маральнай шкоды сустаршыні РПР-ПАРНАС Барысу Нямцову.

Акрамя таго, дзяржава павінна будзе заплаціць 2,5 тысячы еўра ў кошт судовых выдаткаў.

Згодна з апублікаваным 31 ліпеня вердыктам суда, пры затрыманні палітыка на мітынгу ў абарону свабоды сходаў у Маскве 31 снежня 2010 і яго наступным арышце дзяржава парушыла шэраг артыкулаў Еўрапейскай канвенцыі аб абароне правоў чалавека і асноўных свабод, піша РБК.

Гаворка ідзе пра артыкулы «Свабода сходаў і аб'яднанняў» (арт.11), «Забарона катаванняў» (арт.3), «Права на свабоду і асабістую недатыкальнасць» (арт.5), «Права на справядлівае судовае разбіральніцтва» (арт. 6) і «Права на эфектыўны сродак прававой абароны» (арт.13).

Згодна з пастановай, пазоўнік патрабаваў выплаціць яму 50 тысяч еўра ў якасці кампенсацыі маральнай шкоды. Урад Расеі аспрэчыла гэтае патрабаванне як «неабгрунтаванае і празмернае», палічыўшы, што само прызнанне судом факту парушэнняў з боку дзяржавы будзе дастатковай і справядлівай кампенсацыяй заяўніку.

Нагадаем, 31 снежня 2010 года ў Маскве прайшлі адразу два мітынгі ў абарону 31-га артыкула Канстытуцыі, якая гарантуе свабоду сходаў. Санкцыянаванае сталічнымі ўладамі мерапрыемства ўзначаліла праваабаронца Людміла Аляксеева, несанкцыянаванае - лідэр «Другой Расеі» Эдуард Лімонаў. Падчас другой акцыі пратэсту былі затрыманыя 68 чалавек, у тым ліку сам Лімонаў, а таксама Барыс Нямцоў, Ілля Яшын, Канстанцін Касякін ды іншыя апазіцыянеры.

Ужо 2 студзеня 2011 Нямцоў быў прысуджаны да 15 дзён арышту за непадпарадкаванне супрацоўнікам паліцыі. Палітык назваў пастанову суда "ганьбай і здзекам над правасуддзем". Цвярскі суд Масквы не прыняў ягоную скаргу на прысуд аб адміністрацыйным арышце, і 10 студзеня адвакаты Нямцова падалі скаргу ў ЕСПЧ.