Эксперты АБСЕ абследавалі месца катастрофы «Боінга»
- 31.07.2014, 18:55
- 13,607
На гэты момант эксперты пакінулі месца трагедыі і вярнуліся на месца свайго базавання.
Група назіральнікаў Арганізацыі бяспекі і супрацоўніцтва ў Еўропе і міжнародных экспертаў абследавала месца падзення самалёта «Боінг-777» малайзійскай авіялініі, і вярнулася ў бяспечную зону да месца свайго базавання. Пра гэта паведамляе прэс-служба прэзідэнта Украіны ў чацвер, 31 ліпеня.
«Нягледзячы на супрацьдзеянне баевікоў, групе інспектараў у складзе васьмі прадстаўнікоў АБСЕ, дваіх Аўстраліі, дваіх Нідэрландаў быў забяспечаны доступ да месца падзення збітага самалёта рэйса МН17», - гаворыцца ў паведамленні.
Напярэдадні спікер інфармацыйна-аналітычнага цэнтра Рады нацыянальнай бяспекі і абароны Андрэй Лысенка паведаміў, што на месцы падзення малайзійскага «Боінга-777» каля Тарэза Данецкай вобласці сепаратысты абсталявалі баявыя пазіцыі і замініравалі падыходы.
Фота: Reuters