Заходнія музыкі баяцца ехаць у Расею
4- 31.07.2014, 19:55
- 11,296
Групы з ЗША, Канады і Швецыі адмовіліся ўдзельнічаць у фэсце Kubana.
Сёлета расейскі музычны фэст Kubana, што праходзіць у Краснадарскім краі ў Расеі, пройдзе астатні раз. Пра гэта сайту charter97.org паведамляюць арганізатары фэсту.
«Сёлета Kubana адбудзецца астатні раз. Абставіны мацнейшыя за нас», - кажуць яны.
Тыдзень таму стала вядома аб тым, што многія гурты адмовіліся ўдзельнічаць у фэсце. Сярод іх - Кельтыкі-панк-гурта з Канады The Real McKenzies, амерыканскі панк-рок-гурт Authority Zero і панк-рок-гурт са Швецыі Millencolin. Кіраўніцтва фэсту адмаўляецца даваць тлумачэнні, аднак як стала вядома сайту charter97.org з замежных СМІ, групы адмовіліся ехаць у Расею «з меркаванняў бяспекі».
Музычны фэст Kubana сёлета пройдзе з 14 да 19 жніўня на сваёй радзіме ў пасёлку Весялоўка Таманскай паўвыспы. Сярод заяўленых удзельнікаў - паўднёваафрыканскі музычны калектыў Die Antwoord, нямецкія электроншчыкі Scooter, ска-панк з Фларыды Less Than Jake, ангельскі інды-рок-гурт Spector і многія іншыя.