Усе вадаёмы Менска адкрытыя для купання

Паводле санітарна-гігіенічных нормах усе сталічныя вадаёмы прыдатныя для купання.

Як паведаміла карэспандэнту агенцтва «Менск-Навіны» загадчыца аддзялення камунальнай гігіены Менскага гарадскога цэнтра гігіены і эпідэміялогіі Наталля Янкоўская, купацца можна ў вадасховішчах Заслаўскім (Мінскім моры), Драздах, Вячы, Крыніцы, Камсамольскім возеры, Пцічы і Цнянцы. Усяго тут добраўпарадкавана 26 пляжаў. Менскія эпідэміёлагі праводзяць штотыднёвую комплексную ацэнку зон адпачынку, бяруць пробы вады. Так, на гэтым тыдні ніякай небяспекі для адпачываючых выяўлена не было.

Аднак варта памятаць, што не кожны вадаём з'яўляецца зонай для адпачынку. Да прыкладу, купацца ў тэхнічным Чыжоўскім вадасховішчы нельга.