Памёр адзін з найлепшых беларускіх футбалістаў Валянцін Бялькевіч
48- 1.08.2014, 10:51
- 73,219
На 42-м годзе жыцця раптоўна памёр адзін іх найлепшых футбалістаў Беларусі Валянцін Бялькевіч.
Футбаліст памёр 1 жніўня, паведамілі charter97.org у Беларускай федэрацыі футбола.
Пахаванне Валянціна Бялькевіча пройдзе 3 жніўня.
Валянцін Бялькевіч чатыры разы станавіўся чэмпіёнам Рэспублікі Беларусь і двойчы здабываў Кубак краіны ў складзе футбольнага клуба "Дынама-Мінск". Пасля пераходу ў кіеўскае "Дынама" Бялькевіч разам са сваім новым клубам сем разоў здабываў чэмпіянат Украіны і шэсць разоў Кубак Украіны.
Беларускі паўабаронца ўнёс немалы ўклад у поспехі кіеўскага клуба на еўраарэне - у 1999 годзе "Дынама" дайшло да паўфіналу Лігі чэмпіёнаў.
За нацыянальную каманду Рэспублікі Беларусь правёў 56 матчаў і забіў 10 галоў. Валянцін быў адным з лідэраў беларускай каманды ў кваліфікацыі да чэмпіянату свету ФІФА 2002 года, калі наша каманда спынілася за крок ад здабыцця другога месца ў групе і права згуляць у стыкавых матчах.
У 1995 годзе быў прызнаны найлепшым футбалістам Беларусі, а ў 2001 - найлепшым гульцом украінскага чэмпіянату.