Цэнтр Берасця затапіла

Праз моцны дождж цэнтральныя вуліцы Берасця ператварыліся ў рэкі.

Пра гэта сайту charter97.org паведамляе чытач. Здымкі зробленыя сёння на вуліцах Мікалая Гогаля і Карла Маркса. Карыстальнікі сацыяльных сетак пацвярджаюць затапленне вуліц, а некаторыя пішуць пра тое, што яны спазніліся раніцай на працу праз паломкі тралейбусаў і непагадзь. Таксама паведамляюць аб падтапленні мікрараёна Усход.

«Вады было па калена», - пішуць берасцейцы «Вконтакте».

Фота: Рамана Ківачука

Нагадаем, цяпер у Беларусі трымаецца спякота, што часта прыводзіць да магутных ліўняў у розных гарадах.