Санаторыя «Беларусь» страціла кліентаў праз акупацыю Крыму

Змяненне статусу Крыму істотна знізіла лік адпачывальнікаў у размешчанай у Місхоры санаторыі «Беларусь».

Пра гэта паведаміў дырэктар здраўніцы Барыс Андрасюк, піша БелТА.

З ягоных слоў, асноўная прычына памяншэння турыстычнага патоку звязаная з цяжкасцю праезду аўтатранспарту праз тэрыторыю Украіны. Цяпер запаўняльнасць санаторыі складае 68%. Зрэшты, на фоне іншых крымскіх здраўніц гэта цалкам прыстойны паказчык: у астатніх тураб'ектах паўвыспы ў сапраўдны час занятыя ад 1% да 45-50% месцаў.

Нядрэнныя паказчыкі санаторыя «Беларусь» на агульным фоне яго дырэктар тлумачыць змяненнем лагістыкі: у здраўніцу стала больш прыцягвацца замежнікаў. Прытрымлівацца гэтага трэнду плануецца і далей: у верасні санаторыя возьме ўдзел у тэндэрах на арганізацыю аздараўлення ў 21 расейскім рэгіёне. «Аднак адпачынак грамадзян Беларусі для нас у кожным выпадку застанецца прыярытэтам», - запэўніў Барыс Андрасюк.