Беларусь праводзіць вучэнні ВПС і СПА
- 20.08.2014, 16:33
- 5,787
Вучэнні пачаліся 19 жніўня.
Пра гэта сайту charter97.org паведамілі ў Міністэрстве абароны Беларусі.
«19 жніўня, згодна з Планам падрыхтоўкі вайскова-паветраных сіл і войскаў супрацьпаветранай абароны на 2013/2014 навучальны год, пачалося тактычнае вучэнне з авіяцыйнымі воінскімі часткамі пад кіраўніцтвам намесніка камандуючага ВПС і войскамі СПА - начальніка авіяцыі палкоўніка Ігара Аляксейчыка», - гаворыцца ў паведамленні.
Падчас вучэння будуць адпрацаваныя практычныя дзеянні падраздзяленняў авіяцыйных частак для перабазіравання на аператыўныя аэрадромы, дзеянні авіяцыі значна далей ад асноўных аэрадромаў.
«Адначасова з пытаннямі баявога ўжывання авіяцыі будзе адпрацаваны комплекс задач зенітнымі ракетнымі войскамі для прыкрыцця важных дзяржаўных і вайсковых аб'ектаў», - паведамілі ў Мінабароны.