Абрабаванне па-расейску: што павезлі КамАЗы Пуціна з Данбаса

Луганскі журналіст падвёў вынікі «гуманітарнага рабавання».

Рэдактар газеты «Молодогвардеец» Аляксей Біда на сваёй старонцы ў «Фэйсбуку» прасумаваў усю інфармацыю што да вывазу прамысловага абсталявання з вайсковых і стратэгічных заводаў Данбаса. Рабуюцца не толькі дзяржаўныя вайсковыя заводы, але і завод канцэрна «Матор Січ», які з'яўляецца прыватным прадпрыемствам.

Краснадон

На заводзе «Юнацтва» знаходзяцца мінімум шэсць аўтамабіляў «гуманітаркі». Пастаянныя гукі і ляск жалеза. Грузяць абсталяванне. Перад закрыццём завода там паставілі японскае абсталяванне. Выпускалі рэле і мікрасхемы для ракет і падводных лодак. Доўгі час стаяў закрытым.

ААТ «Юнацтва», якое спецыялізуецца сёння пераважна на вытворчасці рознага віду рэле, прадпрыемства-манапаліст СНД па вытворчасці спецыялізаванай прадукцыі для ракетабудаўнічай і аэракасмічнай прамысловасці».

Вытворчасць высокастабільная, асабліва дакладных мікрамініяцюрных герметычных рэле вагой ад 2,0 грамаў РЭС 79, РЭС 80, РПС 42, РПС 43 РЭК 21 - для спецтэхнікі авіяцыйнай, аэракасмічнай, ракетабудаўнічай прамысловасці; аўтамабільных рэле для электраабсталявання легкавога, грузавога, пасажырскага аўтатранспарту, сельскагаспадарчай тэхнікі.

Луганск

Дэмантуюць патронавы завод.

Снежнае

Знаходзіцца адзін з заводаў «Матор Січ», які робіць «лопасці і дыскі для турбін рэактыўных і турбарэактыўных рухавікоў самалётаў і верталётаў». Гэта адзіны завод у СНД, якія робіць лапаткі для турбін.

Данецк

Робяць «Комплекс «Ліман» (прызначаны для радыё падаўлення ліній кіравання авіяцыяй у дыяпазонах частот 100-400 Мгц і 960-1215 Мгц»). Завод «Тапаз» вырабляе вядомыя ўсяму свету «Кальчугі».

Нагадаем, пра тое, што абсталяванне многіх вайсковых заводаў Данбаса загрузілі ў расейскія КамАЗы, паведаміў учора прэс-сакратар інфармацыйнага цэнтра РНБА Андрэй Лысенка.

«Згодна з аператыўнай інфармацыяй, у грузавыя аўтамабілі, якія ўехалі ва Украіну пад выглядам гуманітарнай дапамогі, расейцы загружаюць абсталяванне данецкага завода «Тапаз», дзе вырабляюцца РЛС «Кальчуга», і Луганскага завода, дзе вырабляюцца патроны да стралковай зброі», - сказаў Лысенка.

22 жніўня грузавікі з гуманітарнай дапамогай РФ выехалі з КПП «Ізварына» і пачалі рух у бок Луганску па тэрыторыі Украіны ў суправаджэнні тэрарыстаў. СБУ заявіла, што іх кіроўцы застануцца ў Данбасе і будуць дапамагаць баевікам. У Чырвоным Крыжы паведамілі, што іх прадстаўнікі не суправаджаюць грузавікі РФ ва Украіне, як было агаворана раней. У МЗС Украіны заявілі, што канвой перасягнуў мяжу незаконна.

Увечары канвой прыбыў у горад. Усяго ў канвоі з расейскай гуманітарнай дапамогай было 280 грузавікоў. Памежная служба Украіны паведаміла, што ў краіну заехалі 227 аўтамабіляў. Паводле звестак назіральнікаў АБСЕ, Расею пакінулі 227 машын, але шэсць затым вярнуліся.

Гэтаму папярэднічала заява МЗС Расеі аб тым, што Масква сама прыняла пастанову аб дастаўцы грузу ў Луганск у аднабаковым парадку - у сувязі з тым, што Кіеў працягвае «штучна зацягваць» узгадненне пастановы аб адпраўцы калоны.