У Менску на выходных назіраўся ўсплёск ДТЗ

У сталічнай ДАІ вымушаныя канстатаваць рост колькасці аварый.

Інспектары звяртаюць увагу, што гаворка ідзе аб ДТЗ з матэрыяльнай шкодай, але без пацярпелых. Мяркуючы з інфармацыі, колькасць здарэнняў у сталіцы павялічылася больш чым на траціну - да 105 выпадкаў. У Дзяржаўтаінспекцыі запэўніваюць, што гэта звязана з дрэнным надвор'ем і мокрым слізкім пакрыццём, піша onliner.by.

«У такое надвор'е трэба трымаць дыстанцыю, уключаць блізкае святло і зніжаць хуткасць, - распавялі ў ДАІ. - Таксама кіроўцам варта быць акуратнымі пры манеўраванні. Кіроўцы могуць сутыкнуцца з эфектам аквапланіравання, калі аўтамабіль губляе кіраванасць. Цяпер, калі ёсць такая магчымасць, лепш за ўсё адмовіцца ад паездак на далёкія дыстанцыі".

Акрамя таго, у Дзяржаўтаінспекцыі нагадалі, што з сённяшняга дня пачынаецца акцыя «Увага, дзеці». Кіроўцам удзень рэкамендуецца рухацца з блізкім уключаным святлом фар. Бацькам - сачыць за дзецьмі, не пакідаць іх на праезнай частцы. Усе аўтамабілі, прыпаркаваныя ля школьных тэрыторый з парушэннямі правілаў прыпынку і стаянкі, будуць эвакуяваныя.