Пуцін: Праз Беларусь у Расею ідуць забароненыя тавары
37- 26.08.2014, 16:03
- 54,255
Прэзідэнт Расеі абвінаваціў Беларусь у кантрабандзе.
Праз нашу краіну ідзе забаронены рээкспарт тавараў з ЕЗ. Пра гэта заявіў Уладзімір Пуцін падчас сустрэчы кіраўнікоў краін Мытнага саюза з прэзідэнтам Украіны Пятром Парашэнкам у прысутнасці прадстаўнікоў Еўрапейскага звязу, паведамляе "Інтэрфакс".
"Нават у рамках Мытнага саюза ўжо сёння ідзе забаронены сёння да ўвозу на тэрыторыю Расейскай Федэрацыі тавар з краін ЕЗ. У гэтым выпадку, на жаль, праз Беларусь, - сказаў ён. - Вось, падпісана: краіна паходжання – Беларусь. Налепку сарвалі - Польшча».
Пасля асацыяцыі Украіны з ЕЗ такога рээкспарту будзе ў дзясяткі разоў больш, ён проста "захлісне" Расею, дадаў Пуцін.
"Я ведаю, што кіраўніцтва Беларусі, і ўрад і прэзідэнт, яны імкнуцца перашкодзіць такой негатыўнай і незаконнай практыцы. У нас з імі хоць бы ёсць пагадненне, з Украінай гэтага няма", - заявіў Пуцін.
Прэзідэнт РФ разлічвае, што на сустрэчы ў аўторак у Менску атрымаецца правесці канструктыўную размову, падчас якой аргументы РФ будуць успрыняты і пачутыя ўсімі партнёрамі.
"Агулам жа мы выступаем за тое, каб наладзіць больш цеснае ўзаемадзеянне паміж ЕЗ і еўразійскім эканамічным аб'яднаннем", - сказаў на заканчэнне Пуцін.