Улады забаранілі антываенныя пікеты каля пасольстваў РФ ды Ірака
6- 27.08.2014, 16:18
- 5,442
Менскія ўлады адмовілі актывістам БХД у правядзенні 28 жніўня антываенных пікетаў.
Пра гэта charter97.org паведамілі ў прэс-службе Беларускай Хрысціянскай Дэмакратыі.
Каля амбасады Расеі актывісты БХД планавалі выступіць супраць распальвання Расеяй канфлікту на Усходзе Украіны, каля амбасады Ірака - патрабаваць абароны ўладамі гэтай краіны, дзе пераследуюцца хрысціяне ды іншыя рэлігійныя меншасці.
Пікеты забаранілі за іх нібыта не адпаведнасць з законам Рэспублікі Беларусь "Аб масавых мерапрыемствах».
«Практыка забароны пікетаў у Беларусі стала звычайнай для беларускіх уладаў. У заканадаўстве прасцей было б напісаць, што правядзенне пікетаў забаронена ў Беларусі, і гэта было б праўдай», - адзначыў адказны сакратар аргкамітэта для стварэння партыі «Беларуская Хрысціянская Дэмакратыя» Дзяніс Садоўскі.