Прадстаўнік Еўракамісіі: На мацерыковай Украіне паўтараецца крымскі сцэнар

Расея паўтарае крымскі сцэнар агрэсіі на мацерыковай Украіне.

Пра гэта напісаў прадстаўнік Еўрапейскай камісіі ў Кіеве, чэшскі дыпламат Давід Стулік на сваёй старонцы ў сацыяльнай сетцы «Фэйсбук».

«Запомніце сённяшні дзень, 27 жніўня. Сёння пачалася адкрытая расейская агрэсія на ўкраінскую тэрыторыю. Гэта праўда, што гэтая агрэсія адбывалася доўгі час, пачынаючы з Крыму, але цяпер стала відавочна, крымскі сцэнар адбываецца і на мацерыковай Украіне», - піша Стулік.