Фотафакт: Двайная вясёлка ў Менску

Рэдкую карціну можна было назіраць над Аўтазаводскім раёнам Менска.

Убачыць вясёлку гэтым летам было нескладана. Дажджы і навальніцы перыядычна дарылі такую магчымасць. На зыходзе лета сонца выглядае сярод хмар не так часта, як хацелася б апошнімі летнімі дзянькамі, затое і вясёлкі атрымліваюцца цудоўныя - на паўнеба, а часам і двайныя, піша «Салiдарнасць».

Менавіта такія вясёлкі можна было назіраць сёння над Аўтазаводскім раёнам Менска бліжэй да вечара.