Экстранае пасяджэнне Рады бяспекі ААН што да Украіны (Прамая трансляцыя)

Рада Бяспекі ААН праводзіць экстранную сустрэчу ў сувязі з паведамленнямі пра ўвод расейскіх войскаў на тэрыторыю Украіны.

Аб скліканні экстраннага пасяджэння Рады бяспекі паведаміў пастаянны прадстаўнік Вялікабрытаніі пры ААН Марк Лайал Грант.

Сустрэча запланаваная на 14.00 (21.00 паводле менскага часу). «Мы разлічваем пачуць ад Расеі тлумачэнні наконт таго, чаму яе вайскоўцы знаходзяцца на тэрыторыі Украіны», - сказаў Марк Лайал Грант, паведамляе ІТАР-ТАСС. Дыпламат адзначыў, што ў яго няма сумненняў у тым, што паведамленні аб перасячэнні мяжы адпавядаюць рэчаіснасці. «Цалкам зразумела, што расейскія войскі знаходзяцца там», - сказаў Марк Лайал Грант.