На праспекце Незалежнасці сутыкнуліся тры аўтамабілі
2- 29.08.2014, 18:24
- 9,960
Рух па праспекце Незалежнасці ў цэнтры сталіцы быў абцяжараны праз аварыі.
У напрамку ад Кастрычніцкай плошчы ў бок плошчы Перамогі ўтварыўся затор. Прычынай таму стала аварыя насупраць Белдзяржцырка. На скрыжаванні праспекта і вуліцы Янкі Купалы, які не раз фігураваў у зводках ДАІ, сутыкнуліся тры машыны - «дзве легкавушкі і Suzuki», як адзначылі ў Дзяржаўтаінспекцыі.
Паводле папярэдніх звестак, пацярпелых няма. Разбор аварыі доўжыўся блізу гадзіны, таму рух быў складаны, піша onliner.by.
Як распавёў адзін з удзельнікаў ДТЗ, малады чалавек, які ехаў на Peugeot 406, ён урэзаўся ў Fiat, які і перакуліўся на бок. «Аўтамабіль Suzuki атрымаў мінімальныя пашкоджанні: яго кузаў пасекла асколкамі, - адзначыў ён. - Сказаць, хто вінаваты, не змагу: абодва ўпэўненыя, што ехалі на зялёнае святло. Peugeot ударыў пярэдняй часткай у правы бок Fiat, паміж двума коламі, таму той і апынуўся на баку. На шчасце, ніхто не пацярпеў».