Дзмітрый Шаўчук знойдзены павешаным
36- 30.08.2014, 19:37
- 179,617
Зніклы некалькі дзён таму журналіст і музыка знойдзены павешаным.
Пра гэта паведаміў на сваёй старонцы ў сацыяльнай сетцы «Фэйсбук» Ян Бусел - сябар Дзмітрыя Шаўчука, які каардынаваў яго пошукі.
«Дзімы з намі больш няма. Знайшлі. Засіліўся», - напісаў ён.
Дзмітрый Шаўчук нарадзіўся ў Жытоміры (Украіна). Вырас у Менску, куды пераехаў з бацькамі. Вучыўся ў ліцэі Беларускага дзяржуніверсітэта, на гістфаку БДУ. Працаваў карэспандэнтам «Еўрарадыё», радыё «Мір». Граў у музычных гуртах.
Ён сышоў з дому 20 жніўня і дагэтуль там не з'яўляўся. C 20-га на 21-га начаваў у знаёмкі. Апошнім разам выходзіў з ёй на сувязь 22-га дня а 10-й раніцы праз скайп, выкарыстоўваючы мабільны тэлефон. І пасля гэтага знік.
Дома ў хлопца засталіся блок сілкавання для тэлефона і ноўтбук. Грунтуючыся на гэтым, сябры меркавалі, што Дзмітрый нікуды не збіраўся.