Ford пачаў вытворчасць новага Mustang
- 31.08.2014, 12:11
- 9,702
Новае пакаленне Ford Mustang пайшло ў вытворчасць на заводзе ў горадзе Флэт Рок, штат Мічыган.
Новы «Мустанг» упершыню за сваю 50-гадовую гісторыю стане глабальнай мадэллю і будзе прадавацца ва ўсім свеце, піша telegraf.com.ua.
Таксама цікавы той факт, што Ford Mustang упершыню атрымае мадыфікацыю з правым размяшчэннем стырна. Гэтую версію будуць прадаваць на 25 рынках, уключаючы брытанскі, аўстралійскі і паўднёваафрыканскі. Левастырновы варыянт на пачатковым этапе прадэманструюць на 56 рынках. Плануецца, што ў канчатковым выніку спорткар будзе рэалізоўвацца ў 120 краінах.
Нагадаем, што новы Ford Mustang дэбютаваў у канцы 2013 года. Спорткар атрымаў цалкам незалежную падвеску і выкананы з улікам пераваг еўрапейскіх кліентаў.
Вядома, што ў Еўропе мадэль будзе прапаноўвацца з 2,3-літровым турбаматорам сямейства EcoBoost магутнасцю 310 конскіх сіл і пяцілітровай 435-моцнай «васьмёркай». Для амерыканцаў таксама даступны 3,7-літровы атмасфернік V6 магутнасцю 300 конскіх сіл.
Фота з архіву