19 сакавiка 2024, aўторак, 7:56
Падтрымайце
сайт
Сім сім,
Хартыя 97!
Рубрыкі

Пуцін прыстрашыў Барозу, што можа ўзяць Кіеў за два тыдні

173
Пуцін прыстрашыў Барозу, што можа ўзяць Кіеў за два тыдні

Прэзідэнт Расеі шантажаваў кіраўніка Еўракамісіі.

Жазэ Мануэль Барозу пачуў ад Уладзіміра Пуціна пагрозы праз сітуацыю ва Украіне. Выступаючы на сустрэчы лідэраў краін-чальцоў Еўразвязу, ён сказаў, што калі спытаў у яго аб разгортванні войскаў ва Украіне, той перайшоў на пагрозы. Газета La Repubblica так апісвае гэтую сітуацыю: "Праблема палягае ў наступным, - сказаў "Цар" Барозу, - калі я захачу, то вазьму Кіеў за два тыдні".

Аўтар артыкула мяркуе, што Пуцін меў на ўвазе "не правакаваць яго новымі санкцыямі", піша delo.ua.

Адзначым, што апошнім часам у сусветных ды ўкраінскіх СМІ з'явілася вельмі шмат інфармацыі, у якой украінскі бок "запалохваюць" стратай суверэнітэту і поўнамаштабнай вайной з пуцінскай Расеяй.

Такія заявы могуць з'яўляцца для таго, каб напалохаць Кіеў і прымусіць быць яго больш згаворлівым ў пытанні канфлікту ў Данбасе, і сесці за стол перамоваў з тэрарыстамі, якія апошнім час актыўна наступаюць пад прыкрыццём расейскіх рэгулярных войскаў.

Раней Мінабароны Украіны заявіла, што Масква гатовая значна павялічыць сваю вайсковую прысутнасць ва Украіне, а таксама выкарыстоўваць тактычную ядзерную зброю. У лагеры прэзідэнта Пятра Парашэнкі ўпэўненыя: Пуцін блефуе, і Расея не здольная весці поўнамаштабныя баявыя дзеянні.

"У РФ няма рэсурсаў для поўнамаштабнай вайны з утрыманнем захопленых тэрыторый. Пуцін гуляе ў вайсковы покер. Ягоная адзіная мэта - каб мы спынілі агонь і селі за стол перамоваў з тэрарыстамі. Праграма мінімум для яго, каб было як у Грузіі - прымус да міру з аналагічным вынікам: замарожаны канфлікт на Усходзе. Максімум - статус ДНР і ЛНР", - сказаў паплечнік прэзідэнта Украіны Уладзімір Ар’еў.

Напісаць каментар 173

Таксама сачыце за акаўнтамі Charter97.org у сацыяльных сетках