Honda прэзентавала аўтаномны аўтамабіль
6- 11.09.2014, 17:41
- 9,371
На Кангрэсе ITS, які праходзіць у Дэтройце, кампанія Honda прадставіла аўтамабіль, кіраванне якога адбываецца без удзелу кіроўцы.
Пра гэта паведамляе «Газета.Ru» са спасылкай на прэс-цэнтр Honda Motor Rus.
Паводле звестак прэс-цэнтра, гэтая тэхналогія праходзіць выпрабаванні і ўжо ў 2020 годзе можа з'явіцца на серыйных аўтамабілях Honda. У якасці прататыпа была абраная мадэль Acura RLX, абсталяваная камерамі сачэння за дарожнай разметкай, радарнымі датчыкамі і адмысловым маяком, які скануе асяроддзе аўтамабіля і сінхранізуецца з датчыкам GPS.
Новая тэхналогія распрацавана такім чынам, што пры неабходнасці кіроўца можа скасаваць аўтаномнае кіраванне ў любы момант.
Фота: AP