У Маскве збітая шэф-рэдактарка канала «Дождь»
38- 14.09.2014, 20:24
- 35,507
У цэнтры Масквы ў пятніцу, 12 верасня, быў учынены напад на шэф-прадусарку і вядоўцу канала «Дождь» Ксенію Батанаву.
Увечары двое невядомых падышлі да Ксеніі, калі яна набліжалася да свайго дома ў Мілюцінскім завулку, і нанеслі ёй больш за дзесяць удараў па твары, перадае «Дождь».
Калі журналістка страціла прытомнасць, нападнікі знялі з яе завушніцы і забралі мабільны тэлефон. Паводле ейных слоў, злачынцы пры гэтым нічога не казалі.
Пацярпелая знаходзіцца ў шпіталі, у яе страсенне мозгу і пералом тваравай косткі.
Ксенія з'яўляецца сябрай выбарчай камісіі з правам вызначальнага голасу на дзялянцы 64 (45-я выбарчая акруга, Мяшчанскі раён). Чатырнаццатага верасня, у дзень выбараў у Маскоўскую думу, яна мелася працаваць у камісіі.
У нядзелю яе ў шпіталі дапытаў следчы.