З Ілавайска вывелі астатнюю групу ўкраінскіх байцоў (Відэа)
1- 15.09.2014, 11:12
- 16,322
Байцоў, якія засталіся ў абложаным горадзе, удалося выратаваць.
Сёння з Ілавайска Данецкай вобласці, які быў у падвойным кальцы акружэння расейскіх вайскоўцаў, вывелі апошнюю групу ўкраінскіх байцоў, паведамляе ТСН.
Пра гэта паведаміў кіраўнік Мінабароны Украіны Валерый Гелетэй.
Міністр адзначыў, што апошніх сілавікоў удалося вывесці з населенага пункта дзякуючы ўведзенаму рэжыму радыёцішыні.
«У гэты панядзелак мы вывелі астатнюю групу нашых байцоў з горада Ілавайска», - заявіў Гелетэй.
Нагадаем, раней Гелетэй заяўляў, што ў «Ілавайскім катле» загінулі 107 украінскіх байцоў, а расейскіх вайскоўцаў - больш за трыста.