29 сакавiка 2024, Пятніца, 8:01
Падтрымайце
сайт
Сім сім,
Хартыя 97!
Рубрыкі

Законапраект аб ратыфікацыі пагаднення Украіны з ЕЗ унесены ў Раду

7
Законапраект аб ратыфікацыі пагаднення Украіны з ЕЗ унесены ў Раду

Пётр Парашэнка ўнёс у Вярхоўную Раду Украіны законапраект аб ратыфікацыі пагаднення аб асацыяцыі з ЕЗ.

Адпаведны законапраект №0098 зарэгістраваны сёння ў парламенце, паведамляе РБК.

Тэкст законапраекта паводле стану на 11:15 на сайце Рады адсутнічае.

Нагадаем, прэзідэнт Украіны Пётр Парашэнка падпісаў пагадненне аб асацыяцыі 27 чэрвеня 2014 у Брусэлі.

Плануецца, што 16 верасня гэта пагадненне будзе адначасова ратыфікавана Вярхоўнай Радай Украіны і Еўрапейскім парламентам у рэжыме відэаканферэнцыі.

Са слоў Парашэнкі, пасля ратыфікацыі ПА паміж Украінай і Еўрапейскім звязам увойдзе ў дзеянне з 1 лістапада 2014 года.

У той жа час, паводле вынікаў трохбаковай міністэрскай сустрэчы ў фармаце Украіна-ЕЗ-РФ былі дасягнутыя дамоўленасці, згодна з якімі ЕЗ пагадзіўся падоўжыць дзеянне рэжыму гандлёвых прэферэнцый для ўкраінскіх экспарцёраў да канца 2015 года.

Разам з тым, Парашэнка выключае ўсялякія змены ў тэксце ПА з ЕЗ. «Ніякіх выключэнняў, ніякіх зменаў што да тэксту ПА, якое я падпісаў 27 чэрвеня ў Брусэлі няма», - заявіў ён.

Са слоў прэзідэнта Украіны, першае пасяджэнне рады асацыяцыі пасля ратыфікацыі Украінай ПА з ЕЗ адбудзецца ўжо 17 лістапада 2014.

Напісаць каментар 7

Таксама сачыце за акаўнтамі Charter97.org у сацыяльных сетках