Рассакрэчаны мінівэн Ford S-Max новага пакалення
3- 15.09.2014, 17:21
- 14,903
Кампанія Ford пачала працэдуру прэзентацыі грамадскасці новага S-Max.
Ён атрымаў канфігурацыю ў стылістыцы цяперашняга Ford Focus, пашыраны спіс даступнага абсталявання і новую платформу, але частку інфармацыі вытворца пакуль трымае ў сакрэце, паведамляюць "Вести".
Мінівэн пабудаваны на той жа платформе, што і седан Ford Mondeo новага пакалення. У Ford пакуль не спяшаюцца расказваць пра маторную гаму навінкі, але, паводле некаторых звестак, асноўным рухавіком для мінівэна стане двухлітровы дызель. Яго плануецца прапанаваць адразу ў трох варыянтах магутнасці - ад 118 да 177 конскіх сіл.
Атрымае новы S-Max і шэраг бензінавых агрэгатаў сямейства EcoBoost аб'ёмам 1,5 і 2 літра магутнасцю да 240 к.с. Вядома, што дызельныя мінівэны можна будзе ўкамплектаваць толькі 6-ступеністай "механікай", а бензінавым версіям будзе даступны і "робат" з двума счапленнямі.
Цікава, што, упершыню, паводле чутак, Ford S-Max атрымае сістэму опцый поўнага прывада.
Што тычыцца бартавога абсталявання, то мінівэн забяспечаць электрапрывадамі рэгулявання ўсіх трох шэрагаў крэслаў, дадатковымі падушкамі бяспекі для задніх пасажыраў, а пярэднія крэслы атрымаюць падагрэў, вентыляцыю і функцыю масажу. Багажныя дзверы мінівэна можна будзе адкрыць, правёўшы нагой пад заднім бамперам - аналагічная функцыя рэалізаваная на красоверы Ford Kuga.
Недастатковыя звесткi аб мінівэне вытворца абяцае апублікаваць падчас прэм'еры S-Max, якая адбудзецца на Парыжскім аўтасалоне.