«Белтэлекам»: Наша магутная інфраструктура гарантуе якасць сусветных стандартаў

У «Белтэлекаме» сцвярджаюць, што кампанія здольная гарантаваць забеспячэнне любых запытаў сучаснага рынку сувязі.

Прадстаўнікі нацыянальнага правайдэра «Белтэлекам» распавялі карэспандэнту БелТА, што кампанія ўжо стварыла магутную інфраструктуру, здольную гарантаваць забеспячэнне любых запытаў сучаснага рынку сувязі на ўзроўні сусветных стандартаў. Там таксама паведамілі аб павелічэнні прапускной здольнасці рэспубліканскай сеткі перадачы інфармацыі да 1,2 Тбіт/с.

Як адзначылі ў «Белтэлекаме», поўнае дубляванне абсталявання (па тры разнесеных маршруты пропуску трафіку да кожнага абласнога цэнтра) забяспечвае высокія паказчыкі ва ўстойлівасці сеткі.

«Выкананае пашырэнне створыць перадумовы павелічэння спектру паслуг па скразной перадачы розных тыпаў трафіку і забяспечыць падтрымку розных класаў абслугоўвання і якасці, якія адпавядаюць рэкамендацыям Міжнароднага саюза электрасувязі ITU-T. Абсталяванне ўжо на этапе ўводу забяспечыць маршрутызацыю пакетаў IPv6 і падтрымку перадачы інфармацыі 100 Гбіт/с на інтэрфэйс», - сказалі ў кампаніі.