Дэпутат накіраваў у Генпракуратуру РФ спіс загінулых дэсантнікаў
9- 17.09.2014, 9:08
- 16,831
Ліст са спісам расейскіх дэсантнікаў, якія загінулі па-за месцамі пастаяннай дыслакацыі іх воінскіх падраздзяленняў адпраўлены галоўнаму вайсковаму пракурору РФ.
Пра гэта ў сваім блогу паведаміў пскоўскі дэпутат Леў Шлосбэрг, які і стаў аўтарам звароту, піша Цензор.нет.
У пераліку значацца імёны 12 чалавек, а таксама іх дата нараджэння, прыблізная дата смерці і месца пахавання. Паводле дадзеных Льва Шлосбэрга, яны загінулі ў перыяд з 12 ліпеня да 3 верасня за межамі месцаў пастаяннай дыслакацыі іх воінскіх падраздзяленняў. Дэпутат просіць высветліць імёны і абставіны гібелі ўсіх расейскіх вайскоўцаў за апошнія месяцы, а таксама высветліць, хто нясе адказнасць за іх смерць.
Нагадаем, Леў Шлосбэрг вёў незалежнае расследаванне паводле выпадкаў удзелу расейскіх дэсантнікаў у баях на ўсходзе Украіны. Ён з'яўляецца дырэктарам газеты «Пскоўская губерня», якая стала першай, у якой апублікавалі інфармацыю аб пахаванні двух пскоўскіх дэсантнікаў Леаніда Кічаткіна і Аляксандра Осіпава. У канцы жніўня на Шлосбэрга быў учынены замах.