Акцыі ў Дзень салідарнасці прайшлі ў Курапатах і на плошчы Незалежнасці
3- 17.09.2014, 9:14
- 4,486
Актывісты правялі «талаку» ў Курапатах і малебен ля Чырвонага касцёла.
16 верасня ў Менску прайшло адразу некалькі мерапрыемстваў, прысвечаных 15-м угодкам знікнення Віктара Ганчара і Анатоля Красоўскага.
У сядзібе БНФ адбыўся «Вечар памяці і салідарнасці з выкрадзенымі палітыкамі і грамадскімі дзеячамі», на якім выступілі беларускія праваабаронцы.
У месцы масавых расстрэлаў пад Менскам - урочышча Курапаты - грамадскія актывісты правялі «талаку», прысвечаную памяці зніклых, а пасля яе каля крыжа былі запаленыя лампадкі ў выглядзе ліку 16.
Яшчэ адно мерапрыемства адбылося ў самым цэнтры Менска на плошчы Незалежнасці, каля Чырвонага касцёла, дзе прайшла малітва памяці аб гвалтоўна зніклых. Людзі, якія сабраліся склалі з запаленых лампадак лік «16» каля помніка Архангелу Міхаілу.