ЗША павіншавалі Украіну з гістарычнай пастановай
9- 17.09.2014, 9:16
- 6,595
Украінскі ўрад прасоўвае Пагадненне нягледзячы на вялікія выклікі і рэалізавала волю ўкраінскага народа.
Пра гэта заявіла намесніца спікера Дзярждэпартамента ЗША Мары Харф, піша «Укринформ».
«Мы віншуем народ Украіны з сённяшнім гістарычным днём, калі ўкраінскі і еўрапейскі парламенты адначасова ратыфікавалі Пагадненне аб асацыяцыі Украіны з ЕЗ», - сказала Харф.
Прадстаўнік Дзярждэпу падкрэсліла, што ўрад Украіны прасоўвае Пагадненне «нягледзячы на вялікія выклікі» і ў канчатковым выніку рэалізавала волю ўкраінскага народа.
Нагадаем, у аўторак, 16 верасня, Вярхоўная Рада Украіны прагаласавала за ратыфікацыю Дамовы аб асацыяцыі, якая была падпісаная прэзідэнтам Пятром Парашэнкам 27 чэрвеня. Аналагічную працэдуру правялі ў Еўрапарламенце.