Рэнан Брэсан: Перажываю за ўкраінскі народ
2- 17.09.2014, 12:30
- 5,366
Беларускі паўабаронца «Рыу Аве» Рэнан Брэсан падзяліўся меркаваннем аб сітуацыі ва Украіне.
Пра гэта ён распавёў «Прессболу».
- «Рыу Аве» рыхтуецца да старту ў групавым турніры Лігі Еўропы. У шведскага «Эльфсборга» у раўндзе плэй-оф вы вырвалі перамогу «на падаючым сцяжку» ...
- Мы вельмі радаваліся. Разумееш, мы хочам вырасці і заявіць пра сябе ў Еўропе - як гэта зрабіў БАТЭ. У нас амбіцыйны прэзідэнт. Зараз рыхтуемся да паядынку з кіеўскім «Дынама». Я з гэтай камандай ужо сустракаўся, калі выступаў у Барысаве. Вялікі клуб, вельмі моцныя футбалісты. Але і мы ў прыстойнай форме. Выступаем дома, сваё поле ведаем добра. Спаборніка паважаем, аднак, мяркую, даможамся станоўчага выніку.
- На матч у адказ у Кіеў ехаць не страшна?
- Да мяне ўжо падыходзілі аднаклубнікі, пыталіся, як сітуацыя на Украіне. Нам туды ляцець яшчэ не хутка - у канцы лістапада. Спадзяюся, да таго часу стане спакайней, каб можна было адпраўляцца без страху.
- За каго ты наогул ва ўкраінскім канфлікце?
- Ведаеш, я не сачу за ім так ужо моцна. Вайна - гэта глупства. Я ні за Расею, ні за Украіну. Проста хачу, каб людзі не паміралі ні за што. Каб там жылі, як раней. Перажываю за народ, - сказаў Брэсан.