Пуцін прапанаваў Аксёнава на пост «кіраўніка» Крыму

Прэзідэнт РФ Уладзімір Пуцін прапанаваў на пасаду «кіраўніка» Крыму трох кандыдатаў, сярод якіх часова выконваючы абавязкі «кіраўніка» рэспублікі Сяргей Аксёнаў.

Пра гэта паведаміла прэс-служба Крамля.

«Прэзідэнт Расеі Пуцін...унёс на разгляд Дзяржаўнага Савета рэспублікі Крым наступных кандыдатаў для абрання на пасаду кіраўніка рэспублікі Крым: Аксёнаў С.В. - часова выконваючы абавязкі кіраўніка рэспублікі Крым, Нара Г.П. - міністр экалогіі і прыродных рэсурсаў рэспублікі Крым - галоўны дзяржаўны інспектар рэспублікі Крым, Цярэнцьеў А.В. - Дэпутат Дзяржаўнай Думы Федэральнага Сходу Расейскай Федэрацыі», - гаворыцца ў паведамленні.

Сяргей Аксёнаў быў прызначаны «часова выконваючым абавязкі губернатара» Крыму ўказам прэзідэнта РФ Уладзіміра Пуціна ў красавіку 2014 года.