На складзе ў Віцебску гарэлі піламатэрыялы
1- 18.09.2014, 20:30
- 4,839
Пажар на складзе піламатэрыялаў у Віцебску тушылі з прыцягненнем шасці адзінак тэхнікі.
Пра гэта сайту charter97.org паведамілі ў МНС.
Інфармацыя аб узгаранні склада піламатэрыялаў на вуліцы Ленінградскай паступіла ратавальнікам а 13.30. Высветлілася, што гарыць памяшканне плошчай 15х20 м, пабудаванае ў 2007 годзе. Склад належыць індывідуальнаму прадпрымальніку, які займаецца дрэваапрацоўкай. На момант узгарання прадпрыемства працавала. Пад 14.30 пажар быў ліквідаваны.
Агнём знішчаны дах памяшкання і столевае перакрыцце, пашкоджаныя чатыры дрэваапрацоўчыя станкі, 10 куб м піламатэрыялаў. Людзі не пацярпелі.
Прычына пажару і шкода высвятляюцца.