Ля станцыі метро «Фрунзенская» затрымалі 30 студэнтаў

Увечары 18 верасня міліцыя сарвала прагляд фільма пра Бэнксі ў цэнтры Менска.

Пра гэта піша «Наша Нiва».

Учора ўвечары павінен быў адбыцца чарговы прагляд «кіно ў пераходзе». Удзельнікі хацелі паглядзець дакументальны фільм пра вулічнага мастака Бэнксі ў пераходзе каля журфака БДУ. Аднак пад 20:40 удзельнікаў мерапрыемства зноў затрымала міліцыя. Блізу 30 чалавек даставілі ў РУУС Маскоўскага раёна.

Большасць удзельнікаў вызвалілі, у РУУС засталіся адная з арганізатараў прагляду Анастасія Долюшка і невядомы хлопец.

12 верасня за прагляд фільма былі затрыманыя 25 чалавек ля парку Горкага ў Менску.