Рух на Кальварыйскай абмяжуюць
- 19.09.2014, 9:42
- 4,850
Рух транспарту на вуліцы Кальварыйскай у Менску будзе абмежаваны 20-22 верасня.
Пра гэта паведамілі ў дзяржаўнай установе "Сталічны транспарт і сувязь", піша БелТА.
Абмежаванне руху ўсіх тыпаў транспартных сродкаў на вуліцы Кальварыйскай ўводзіцца ў сувязі з выкананнем работ асфальтабетоннага пакрыцця праезнай часткі на аб'екце "Капітальны рамонт з мадэрнізацыяй вуліцы Кальварыйскай ад эстакады да вуліцы Прытыцкага". Абмежаванне будзе дзейнічаць на адцінку ад вуліцы Гусоўскага да вуліцы Скрыганава з 5 гадзін 20 верасня да 5 гадзін 22 верасня.