Жыхары Менскай вобласці змогуць плаціць за пашпарт праз інтэрнэт
2- 19.09.2014, 14:14
- 5,129
Паслуга стала даступнай з 19 верасня.
МУС і Нацыянальны банк падключылі да Адзінай разліковай і інфармацыйнай прасторы (АРІП) паслугі, якія аказваюцца падраздзяленнямі ў грамадзянстве і міграцыі УУС Менаблвыканкама, паведамілі агенцтву «Інтэрфакс-Захад» у Дэпартаменце грамадзянства і міграцыі МУС.
Цяпер з выкарыстаннем інтэрнэт-банкінгу, мабільнага банкінгу, інфакіёскаў і іншых прылад можна аплаціць выдачу і абмен пашпарта, паскораную выдачу і абмен пашпарта, афармленне заявы, атрыманне СМС-паведамлення пра гатоўнасць дакумента да выдачы, а таксама рэгістрацыю часовага знаходжання замежных грамадзян і асоб без грамадзянства.
Спасылкі на названыя паслугі падраздзяленняў у грамадзянстве і міграцыі ў АРІП размешчаныя ў галінцы «Мінская вобласць».
У Дэпартаменце адзначылі, што пры аплаце ў сістэме АРІП грамадзяне Беларусі павінны абавязкова ўводзіць свой ідэнтыфікацыйны (асабісты) нумар, пазначаны ў пашпарце, а замежнікі - нумар пашпарта, паводле якога яны заехалі ў Беларусь.
Пры падачы дакументаў у падраздзяленні ў грамадзянстве і міграцыі або ўпаўнаважанай на прыём дакументаў асобе трэба паведаміць ідэнтыфікацыйны нумар (нумар пашпарта) альбо нумар аперацыі ў АРІП, які выдаецца прыладай аплаты паводле вынікаў плацяжу, а таксама зрабіць адпаведную адзнаку ў заяве.
У Дэпартаменце падкрэслілі, што ў далейшым названы спосаб аплаты будзе даступны жыхарам усіх рэгіёнаў рэспублікі, а пералік аплатных з дапамогай АРІП паслуг павялічаны.