19 сакавiка 2024, aўторак, 5:27
Падтрымайце
сайт
Сім сім,
Хартыя 97!
Рубрыкі

«Беларуснафта» дасягнула рэкорднай адзнакі глыбіні свідравання

23
«Беларуснафта» дасягнула рэкорднай адзнакі глыбіні свідравання

Яна складае 5625 м.

Новы рэкорд дасягнуты 27 жніўня на першай звышглыбіннай параметрычнай свідравіне №1 «Прадрэчыцкая». Аўтарства рэкорду належыць брыгадзе Сяргея Бальшакова, якая працуе на свідравой усталёўцы Benteс, піша БелаПАН.

Як мяркуюць у аб'яднанні, «сёння адзнака ў 5625 м - хоць і абсалютны рэкорд глыбіні за ўсю гісторыю бурэння ў Беларусі, але зусім не канчатковы». Бурэнне на свідравіне №1 «Прадрэчыцкая» доўжыцца. І згодна з праектам, яе канчатковая глыбіня павінна скласці 6680 м. Чакаецца, што гэтая свідравіна стане самай глыбокай не толькі ў Беларусі, але і ў СНД. Хоць у Расеі і існуюць свідравіны такой даўжыні, але яны гарызантальныя. «1-я Прадрэчыцкая» - нахільна-накіраваная, з вуглом адхілення 470 м.

Бурэнне «1-й Прадрэчыцкай» распачатае з мэтай пошуку пакладаў вуглевадародаў у адкладах міжсалявых комплексаў і ацэнкі перспектыў нафтагазаноснасці падсалявога і верхнепратэразойскага комплексаў у межах Прадрэчыцкай міжсалявой пасткі.

Што тычыцца папярэдняга рэкорду, то да нядаўніх часоў самай глыбокай у Беларусі была свідравіна №9001r «Геалагічная». Яе «глыбінны» рэкорд быў 5553 метры. Гэтая адзнака была дасягнутая 24 жніўня 2008.

Напісаць каментар 23

Таксама сачыце за акаўнтамі Charter97.org у сацыяльных сетках