Домрачава пра «Цал Дзір Біе»: Рэзідэнцыя, як рэзідэнцыя. Годная
98- 2.09.2014, 13:21
- 65,419
Дар'я Домрачава падзялілася ўражаннямі ад наведвання рэзідэнцыі Лукашэнкі.
Трохразовая алімпійская чэмпіёнка на прэс-канферэнцыі з нагоды ініцыяванага ёю свята "Гарадскі біятлон" адказала на пытанні журналістаў, адзначыўшы сярод іншага, што пасля Алімпіяды ў Сочах стала менш вольнага часу, піша «Прессбол».
- Што змянілася пасля Алімпіяды ў Сочах? Адчуваеце сябе вялікай спартоўкай?
- Перш за ўсё, стала значна менш вольнага часу. Хаця, вось, бадай, і ўсё.
- Вам давялося асабіста сустракацца з кіраўніком дзяржавы пасля залатога трыюмфу. Якім ён Вам здаўся?
- Не сказала б, што рэгулярна з ім кантактую. А які ён? Паспрабуйце пагутарыць з ім асабіста. Вось і спазнаеце.
- А што скажаце пра новую рэзідэнцыі прэзідэнта?
- Гм. Каб нешта ўразіла - не скажу. Рэзідэнцыя як рэзідэнцыя. Годная прэзідэнта краіны.
13 верасня ў парку імя Горкага трохразовая алімпійская чэмпіёнка Дар'я Домрачава ладзіць праект "Гарадскі біятлон". Ён і стаў інфармацыйнай нагодай для прэс-канферэнцыі спартоўкі пры ўдзеле намесніка генеральнага дырэктара Белдзяржстраху Максіма Бабко, PR-дырэктара групы кампаній "Санта Брэмар" і "Савушкін прадукт" Алены Бабкінай і кіраўніком праекта knopochka.net Максіма Субоціна.